Aktualitet

Shtyhet gjyqi për “Babalen”, Salianji: Edhe sot u gjet një arsye, ja çfarë dyshoj



Bëhu pjesë e Grupit Zyrtar të Opinion.al
>> KËTU <<
               Publikuar në : 11:37 - 17/10/22 |
Opi Nion

Është shtyrë seanca në Apel ndaj deputetit të PD, Ervin Salianji për çështjen “Babale”.

Mësohet se gjyqi i radhës do të mbahet më 9 nëntor ora 14:00. Seanca u shty për shkak të mungesës së avokatit të Geron Xhafës, vëllait të ish-ministrit Fatmir Xhafa, i cili ka thënë se do të ishte i pranishëm në një ceremoni mortore.

Në një deklaratë për mediat, deputeti Salianji tha se shtyrja e seancave është e qëllimshme.

“Është në pritje dhe çështja tjetër. Sot u gjet një arsye, po themi nga ai që është bërë sebepi i akuzës, për të shtyrë seancën në publik. Dua të theksoj, që ditën e parë që u bë denoncimi, ai që ka bërë akuzën dhe sot jam në gjykatë, ka kryer të bëjë dënimin e tij me burg, Prokuroria dhe drejtësia e komanduar s’ka bërë hetim për trafikun e drogës, por ka bërë paçavure dhe akuzon gazetarin dhe mua. Mendoj se drejtësia duhet të jetë më e shpejtë dhe më e vendosur. Duhet t’i paraprije situatave dhe jo të mbetet siç e patë. Di që kjo çështje e nxjerr me shpejtësi para kohe duhet të përfundonte me shpejtësi. Dyshimet e mia janë se çështja mos të rishortohej. Fakti që është hedhur një short, dhe trup gjykues, s’ka nevojë që të jetë avokati. Se është prokuroria që është aty. Ne presim drejtësi të shpejtë. Për të gjithë ata që thonë se e quajnë presion pjesëmarrjen e deputeteve të opozitës nuk është presion, por inkurajim për drejtësinë. S’ka asgjë tjetër opozita përveç fjalës. Maxhorancat dhe qeveritë bëjnë presione”, tha Salianji.

Deputeti Ervin Salianji u dënua në dhjetor 2019 me një vit burg nga Gjykata e Tiranës për dosjen e njohur “Babale”.

Salianji dhe gazetari Jetmir Olldashi u shpallën fajtorë nën akuzën e “Kallëzimit të rremë” lidhur me inskenimin e audio-përgjimit me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës.

Pas