-Kulturë

Shqiptarja nga Franca kurorëzohet “Miss Shqipëria” në kalanë e Petrelës


Bëhu pjesë e Grupit Zyrtar të Opinion.al
>> KËTU <<
               Publikuar në : 20:40 - 05/07/21 |
Opi Nion

Kurora e “Miss Shqipëria” këtë vit ka qëndruar në kryet e Lea Islamaj. 18- vjeçarja që ka lindur e jeton në Francë ka preferuar të bëhet pjesë e kompeticionit në vendin e saj të origjinës, pavarësisht se ka patur mundësi të bëhej pjesë e kompeticioneve në Francë.

“Doja t’i bëja prindërit dhe gjithë të afërmit krenarë, ndaj vendosa te marr pjesë”, ka thënë ajo.

“Miss Shqipëria” është një shkollë për vajzat që duan të përjetojne emocionet e spektaklit, që janë të apasionuara pas fotografimit, modës, pasarelave… sfidave, në radhë të parë me veten, per t’u mësuar me rregulla dhe për të dalë nga plogështia dhe rutina e zakonshme.

Kështu shumë prej pjesëmarrëseve e kane parë eventin si një eksperiencë dhe si nje trampolinë për të vazhduar në profesionet e pasionet që kanë. Pavarësisht intesitetit të udhetimeve, provave, ato kanë shkelqyer nën hijen e Kalasë së Petreles në natën finale!

Turi i Miss Shqipërisë dhe këtë vit u realizua me sukses.  Misioni i të bukurave ishte për të njohur vendet e mrekullueshme dhe njerëzit punëtorë, që nuk kanë kohë për të humbur, që punojnë duke na bërë krenarë me investime tepër serioze, “Made in Albania”.

Vajzat dhuruan maksimumin në spektaklin, ku ishin të ftuar artistë e personazhe publike si anëtarë jurie.

Spektakli ka zgjatur rreth tre orë dhe ka mbajtur mbërthyer spektatorët dhe teleshikuesit me temporitëm dhe emocion.

“Miss Shqipëria” vijon të jetë projekti që bashkon vajzat nga e gjithë shqiptaria dhe ku ndër të tjera mësojnë të ndërtojnë miqësi që zgjasin për gjithë jetën,  duke u kthyer në një model pozitiv për gjithë bashkëmoshataret e tyre.

 

Pas