Kronikë

Shqiptari vari veten në furgonin e policisë greke, flet vëllai: Është vrasje


Bëhu pjesë e Grupit Zyrtar të Opinion.al
>> KËTU <<
               Publikuar në : 11:59 - 07/12/21 |
Opi Nion

Shtetasi Shkëlqim Rusi, vëllai i shqiptarit që vari veten në furgonin e policisë greke në momentin që po transferohej nga spitali në burg, ka thënë se nuk e beson versionin e vetëvrasjes.

Ai ka treguar se vëllait i kishin mbetur edhe 2-3 muaj burg dhe e mbaronte dënimin.

Në një prononcim për mediat, Rusi ka thënë se kishte folur me vëllain 3 orë para se të ndodhte ngjarja dhe se ai i kishte thënë se e kishin dërguar në spital.

Vëllai i viktimës ka kërkuar që trupit të pajetë t’i bëhet autopsia, pasi nuk e beson versionin që i kanë dhënë autoritetet greke.

Këto të fundit i kanë thënë se vëllai i tij ka varur veten me lidhëse këpucësh, por Rusi këmbëngul se kjo është një përrallë e sajuar dhe se askush nuk e beson se vëllai i tij është vetëvrarë.

Ai akuzon gardianët shoqërues për vrasje, ndërsa thekson se i vëllai nuk ka pasur probleme mendore.

Sipas tij, “ngjarja ka ndodhur në makinën e policisë, sepse ata thanë që ishte vetëvarur në kangjellën e furgonit”.

“Kjo është e papranueshme, nuk lejohet shoqërimi i të burgosurit me rrip apo lidhëse, për më tepër je me pranga dhe i shoqëruar. Kjo është një përrallë që thonë autoritetet greke. Ne kërkojmë që të bëhet autopsia këtu në Shqipëri, pasi presim të vijë këto ditë. Të bëhet autopsia pasi shteti jonë vetëm fle gjumë, janë vrarë shumë shqiptarë atje. Pas vëllait tim mund ta ketë radhën dikush tjetër dhe nuk është zbardhur asgjë”,-deklaroi Rusi./Opinion.al

Pas