Aktualitet

Shqipëria mes vendeve të akuzuara nga OKB për dërgimin e armëve në Kongo


Bëhu pjesë e Grupit Zyrtar të Opinion.al
>> KËTU <<
               Publikuar në : 19:18 - 19/06/20 |
Al Do

Organizata e Kombeve të Bashkuara akuzon Shqipërinë së bashku me disa vende të tjera për dërgimin e armëve në Republikën Demokratike të Kongos.

Ky vend nuk i nënshtrohet sanksioneve, por atyre që dërgojnë armë u kërkohet të njoftojnë OKB, siç kërkohet nga një rezolutë e vitit 2004. Një raport nga ekspertët e OKB thotë se disa vende “kanë dorëzuar sasi të konsiderueshme armësh, municionesh, pajisje dhe automjete ushtarake” për ushtrinë e vendit. Këto kanë përfshirë helikopterë civilë të transferuar për përdorim ushtarak.

Raporti është konfidencial por u sigurua nga AFP këtë javë.

Vende të tjera të akuzuara nga OKB përfshijnë Rumaninë, Turqinë, Afrikën e Jugut, Izraelin, Kinën, Iranin, Mbretërinë e Bashkuar, Korenë e Veriut, Sudanin dhe Shtetet e Bashkuara.

“Gjatë dekadës së fundit, një pjesë e madhe e logjistikës ajrore të FARDC (ushtria RD Kongos) është mbështetur në një flotë transportuesish të regjistruar si civilë të huaj që vepronin në kundërshtim me normat dhe rregullat e aviacionit civil ndërkombëtar dhe kombëtar,” thuhet në raportin e cituar nga AFP.

“Disa nga materialet e dorëzuara në FARDC u transferuan më vonë te grupet e armatosura në lindje”  të DR Kongo, vazhdon raporti.

OKB paralajmëron se armët që dërgohen në Ushtrinë DR Kongo po përfundojnë në duart e militantëve. Lindja e Republikës Demokratike të Kongos është një nga pikat e nxehta të Afrikës, e përfshirë nga dhuna e një konflikti të armatosur që ka merr më shumë se 1.000 jetë brenda disa muajsh dhe ka bërë që më shumë se gjysmë milioni njerëz të ikin nga shtëpitë e tyre. /Opinion.al

Pas