KOPENHAGEN – Kombëtarja shqiptare ka arritur te premten në mbrëmje një rezultat pozitiv. Ndeshja danimarkë-Shqipëri përfundoi 0-0 dhe ky barazim i dha një pikë kombëtares sonëpër në eleminatoret e “Francë 2016″. Kuqezinjtë ia kanë duke u ngjitur tashmë në kuotën e 11 pikëve po aq sa Danimarka. Ajo që vlen të theksohet se Shqipëria nuk ka asnjë humbje në këto eleminatore.Ndeshja nis me danezët më agresivë që fillojnë të ushtrojnë menjëherë presion në mbrojtjen e kuqezinjve. Djemtë e De Biazit qëndrojnë të tërhequr dhe presin kundërshtarin. Megjithatë, Danimarka ka vështirësi të kërcënojë, kjo edhe për meritë të mbrojtësave tanë. Në minutat në vazhdim, Shqipëria fillon të shtyjë disi përpara dhe në minutën e 24-ët vjen rasti më i mirë. Lenjani kroson rrezikshëm drejt zonës, Cikalleshi godet me kokë, por devijon në goditje kendi me veshtirësi portieri danez. Pranë golit kuqezinjtë. Danezët gjithashtu kundërpërgjigjen duke sulmuar vazhdimisht, por sërish rreziku mungon. Pjesa e parë mbyllet në barazim 0-0. Në pjesën e dytë presioni i danezëve rritet edhe më tepër, por kuqezinjtë në fund ia arrijnë të marrin një pikë.
Ne foto: Tifozet kuq e zi ne stadium
