Aktualitet

Shqipëria kaloi limitin e personave aktivë, Mali i Zi mbyll kufirin


Bëhu pjesë e Grupit Zyrtar të Opinion.al
>> KËTU <<
               Publikuar në : 11:04 - 20/06/20 |
Opi Nion

Mali i Zi ka vendosur mbylljen e kufirit me Shqipërinë, pas rritjes së numrit të rasteve pozitive me COVID-19. Lajmin e bën të ditur Ministria për Evropën dhe Punët e Jashtme, që njofton se ky vendim i shtetit fqinj ka ardhur pasi Shqipëria ka kaluar numrin limit prej 700 personash aktivë.  Kujtojmë se në vendin tonë janë aktualisht 722 persona aktivë me COVID19.

Njoftimi i plotë i Ministrisë

Ministria për Evropën dhe Punët e Jashtme njofton se Njësia Operacionale e Krizës së Qeverisë së Malit të Zi ka vendosur sot të rishikojë listën e vendeve që do të lejohen të hyjnë në territorin e tij në kuadër të luftës kundër koronavirusit COVID-19.

Nisur nga numri në rritje i shtetasve të infektuar aktiv në vendin tonë, që aktualisht e kalon numrin 700 (limit ky i vendosur më parë nga autoritetet malazeze dhe që e kalon shifrën 25 të infektuar për 100.000 banorë), autoritetet malazeze kanë vendosur të mbyllin kufijtë tokesorë me Shqipërinë dhe të lejojnë hyrjen tranzit në territorin malazez vetëm për shtetasit që prezantojnë në kufi dokumentin e testimit negativ ndaj COVID-19, të kryer brenda 48 orëve.

Nga ky kufizim përjashtohen udhëtarët që kanë një funksion/nevojë thelbësore, si:

– profesionistët shëndetësorë, kërkuesit mjekësorë;

– personeli i angazhuar me transportin e mallrave dhe çdo personel tjetër transporti;

– diplomatët, stafi i organizatave ndërkombëtare, personeli ushtarak dhe punonjës të ndihmës humanitare gjatë ushtrimit të funksioneve të tyre;

– kategori të veçanta pasagjerësh në tranzit;

– personat që kanë nevojë për mbrojtje ndërkombëtare në Malin e Zi, ose për arsye të tjera humanitare.

Ky regjim fillon prej mesnatës së të dielës, datë 21 qershor 2020, dhe është i vlefshëm deri në një vendim të dytë të Njësisë Operacionale të Krizës në Podgoricë./Opinion.al

 

Pas