Porti i Ankonës në Itali, u përfshi gjatë natës nga mjë shpërthim dhe një zjarr i dimensioneve të mëdha.
Sikurse raportojnë mediat fqinje, zjarri filloi në një kapanon rreth mesnatës, për shkaqe ende të panjohura dhe u përhap në një territor më të gjerë.
Fatmirësisht deri më tani nuk raportohet për të lënduar, megjithatë banorët afër portit përjetuan momente paniku, dhe u mbyllën në shtëpitë e tyre.
Nga ana tjetër, autoritetet italiane kanë vendosur mbylljen e shkollave dhe universiteteve, si dhe të parqeve, për shkak të tymit që me orë të tëra ka mbuluar qiellin sipër qytetit bregdetar./Opinion.al
