Aktualitet

Shpërndanin kokainë dhe heroinë në disa qytete, arrestohen dy persona


Bëhu pjesë e Grupit Zyrtar të Opinion.al
>> KËTU <<
               Publikuar në : 10:22 - 24/10/20 |
Al Do

Dy persona me precedentë të mëparshëm penal për trafik droge janë vënë në pranga nga policia e Tiranës. Në kuadër të operacionit anti-drogë, “Kalaja” është goditur grupi që shpërndante kokainë dhe heroinë në qytete të ndryshme të Shqipërisë.

Burime zyrtare të policisë bëjnë me dije se është arrestuar një 32-vjeçar dhe një 36-vjeçar, të dy nga Tirana.

Nga hetimet e deritanishme dyshohet se shtetasit e mësipërm në bashkëpunim me njëri- tjetrin shpërndanin lëndë narkotike të llojit heroinë dhe kokainë në zonën e Astirit dhe në qytete të ndryshme të Shqipërisë.

Gjatë operacionit janë gjetur dhe sekuestruar në cilësinë e provës materiale 190 gramë lëndë narkotike heroinë, 93 doza me lëndë narkotike kokainë, një shumë parash të përfituar nga kjo veprimtari kriminale, 2 peshore elektronike dhe 3 aparate celular.

Materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale ”Prodhimi dhe shitja e narkotikëve”, e kryer në bashkëpunim”. /Opinion.al

Pas