Një ngjarje e pazakontë ka ndodhur dhjetorin që lam pas. Një grua nga Skocia e cila jeton në Shtetet e Bashkuara, ka rrëfyer për “The Mirror”, historinë e saj të pabesueshme. Adele Duncan, 23 vjeç tregon se si më 23 dhjetor, teksa u shtri për të fjetur filloi të ndjente dhembje të forta barku. Fillimisht e neglizhoi, por teksa dhembjet shtoheshin, mamaja e saj vendosi të telefononte ambulancën për ndihmë të specializuar. Sapo ajo shkoi në spital, mjekët e futën në sallë dhe i kërkuan të merrte frymë thellë pasi ishte gati për të lindur.
Deri në ato momente, 23 vjeçarja nuk ishte aspak në dijeni të shtatzënisë , por pas 20 minutash ajo po mbante në duar vajzën e saj. Ajo më pas ka postuar foton e vajzës në “Facebook”, duke e quajtur surprizën e Krishtlindjeve. Ajo tregon se të gjithë mbetën të shokuar nga lajmi, por tashmë vajza është një bekim i madh për të. Mendohet se ajo ka mbetur shtatzën në mars të vitit 2016, me një person me të cilin ende ruan marrëdhënie miqësore.
