Kryesore

Shkarkimi i Metës/ PD: Vendim antikushtetues,ja kërkesa për “Kushtetuesen”


Bëhu pjesë e Grupit Zyrtar të Opinion.al
>> KËTU <<
               Publikuar në : 15:48 - 09/06/21 |
Opi Nion

Partia Demokratike ka reaguar ditën e sotme për vendimin e marrë nga Kuvendi i Shqipërisë për të shkarkuar nga detyra Presidentin e Republikës Ilir Meta.

Nëpërmjet një statusi në rrjetet sociale, PD e konsideron këtë vendim si një akt  antidemokratike të regjimit Rama-Doshi.

Ndër të tjera, Partia Demokratike pretendon se “ky akt vjen menjëherë pas masakrës zgjedhore dhe grabitjes më të madhe të votave të kryer ndonjëherë.”

Nga ana e saj PD e konsideron këtë vendim si antikushtetues, teksa kërkon nga Gjykata Kushtetutese të ruajë paanësinë.

Deklaratë e Partisë Demokratike të Shqipërisë:

Sulmi antikushtetues i Parlamentit ilegjitim mbi Institucionin e Presidentit të Republikës është akt që thellon edhe më shumë tiparet antidemokratike të regjimit Rama-Doshi.

Ky akt vjen menjëherë pas masakrës zgjedhore dhe grabitjes më të madhe të votave të kryer ndonjëherë.

Përfaqësuesit e krimit të organizuar në Kuvendin njëpartiak të Shqipërisë nuk mund të jenë kurrë garant të Kushtetutës dhe as nuk mund të marrin vendime në emër të saj. Edi Rama ka përdhosur me qindra herë Kushtetutën e Shqipërisë dhe është ekspozuar përpara çdo shqiptari si armik i demokracisë dhe shtetit ligjor.

Partia Demokratike e konsideron antikushtetues vendimin e Kuvendit njëpartiak për shkarkimin e Presidentit të Republikës dhe kërkon nga Gjykata Kushtetutese të ruajë paanësinë dhe të garantojë pavarësinë e institucioneve kushtetuese, duke refuzuar farsën për shkarkimin e Presidentit të Republikës./Opinion.al

Pas