Kryeministri Edi Rama ka reaguar sërish në lidhje me protestën e pedagogëve. Përmes një statusi në “Twitter” teksa i referohet kreut të Sindikastës së Pedagogëve, Aleksandër Kovaçi si shiks i kohës së zezë të 1997, kreu i qeverisë thotë se s’ka asnjë shans që ky i fundit të merret seriozisht me kërkesat e tij në këtë situatë lufte.
“Krenar që ka qenë shiks i kohës së zezë të 97-ës le të jetë sa të dojë, po një shiks i maskuar si sindikalist për të importuar zullumin e nongratave e të rublave në hapësirën universitare, s’ka asnjë shans të merret seriozisht në kërkesat e tij fyese për këtë situatë lufte!”, shkruan Rama.
Pedagogu Kovaçi deklaroi më herët në një intervistë televizive se ka punuar në Shërbimin Informativ Shtetëror nga viti 2013 deri në 2015 si drejtor i analizës dhe se është vlerësuar dhe ka marrë shpërblim nga kryeministri Edi Rama./Opinion.al
