Një konflikt i çastit ka përfunduar me një person të plagosur në qytetin e Shkodrës.
Sipas Klan news ngjarja ka ndodhur në lagjen “Parrucë”, pas një konflikti verbal mes dy personave ende të paidentifikuar.
Njëri prej tyre ka nxjerrë armën dhe ka goditur me qytën e pistoletës tjetrin duke i shkaktuar plagë.
I plagosuri rreth 30-vjeç është nisur drejt spitalit për të marrë ndihmë mjekësore.
Ndërkohë, policia ka nisur hetimet për zbardhjen e plotë të ngjarjes dhe kapjen e autorit./Opinion.al
