Një 28-vjeçar ka mbetur i plagosur pasditen e sotme në qytetin e Korçës. Mësohet se i riu është plagosur gjatë një konflikti me një 46-vjeçar, i cili e ka qëlluar me thikë në këmbë.
I plagosuri është dërguar menjëherë për mjekim në spitalin e qytetit dhe ndodhet jashtë rrezikut për jetën.
“Më datë 08.10.2020, rreth orës 18:10, në lagjen nr. 17, gjatë një konflikti të çastit, shtetasi E. I., rreth 46 vjeç, banues në Korçë, dyshohet se ka dëmtuar me mjet prerës (thikë) në këmbë shtetasin P. M., rreth 28 vjeç, banues në Korçë”, njofton Policia.
Ndërkohë, autoritetet po punojnë për zbardhjen e plotë të rrethanave të ngjarjes./ Opinion.al
KOMENTO (0)
