Brisida Shehaj nga LSI tha në emisionin “Opinion” se forca që ajo përfaqëson disponon dokumenta, të cilat sipas saj i disponon edhe SPAK e që provojnë lidhjet mes tyre të kompanive të inceneratorëve. Ajo pohoi se bashkëshortja e Klodian Zotos është bërë drejtoreshë e një kompanie vetëm pasi i shoqi ka dalë në kërkim.
“Ne administrojmë dokumenta për të cilat dihet se janë komunikime zyrtare të kompanive. Të njëjat dokumenta i ka dhe SPAK. Në këto dokumenta që administrojmë ne, janë me fakte të provuara që zyrat e Zoto Consulting, kanë administruar çdo kompani të lidhur. Tek Artkon, pronar ka qenë Elsa Zoto. Zonja Elsa Zoto pasi i ka dalë burri në kërkim ndërkombëtar është bërë drejtoreshë e Zoto Consulting me pagesë 250 mijë lekë të reja.
Artkonin, pas kësaj zonjës ja ka shitur shoferit të Mirel Mërtirit. Ku lidhet Artkoni me ITS dhe Demare? Kompania Demare paguan Artkonin, Artkoni paguan ITS. Vetëm një pagesë që paguan Demare janë 94 milionë lekë të reja. Një tjetër është 230 milionë lekë të reja”, tha Shehaj./Opinion.al
