Gazetari Besar Likmeta tha në emisionin “Opinion” se çdo ditë që kalon për inceneratorët paguhen 70 milionë euro. I ftuar në emisionin “Opinion”, ai tha se kompanitë e inceneratorëve kanë blerë fatura fiktive, dhe nga lekët e tyre paguhen politikanë dhe media si dhe njerëz që në fakt nuk kanë lidhje me punën aty.
Pjesë nga diskutimi në studio
Likmeta: Ajo që është e rëndësishme është bllokimi i rrjedhës së parave. Buxheti i shteit po paguan për ca vepra që nuk janë funksionale. Skema që kemi parë në Elbasan si gazetarë dhe kemi kërkuar të ndërhyej që të paktën të sekuestrohen pronat dhe kompanitë e tjera, është sepse të njëjtët njerëz, kompani fiktive, të njëjat nëkontraktime të kompanive po përfitojnë. Dhe çfarë ndodh, nëse e thamë në rastin e zotit Koka, SPAK thotë që ekziston edhe tek Fieri, por nuk e sekuestruam. Pas ca kohësh mund të thotë edhe për Tiranën të njëjtën gjë. Çdo ditë që kalon ne vazhdojmë të paguajmë 70 mijë euro për këtë incenerator.
Fevziu: Për sa kohë?
Likmeta: Çdo ditë.
Fevziu: Janë për të asgjësuar plehrat.
Likmeta: Nuk ka incenerator në Tiranë. Paratë që janë investuar janë shumë më pak, ndaj bëhen fatura fiktive.
Ylli Rakipi: Çfarë bëhet me këto para?
Likmeta: Paguhen persona të tretë, media, politikanë. Lista e personave që paguhen nga këto kompani pa punë, është aq e madhe… Ajo që nuk ceket as nga partitë politike, është një skemë shumë e madhe e përdorimit të faturave fiktive. Janë qindra kompani të përfshira. Në një hetim të Tiranë përmenden mbi 200 kompani kontraktore që blejnë fatura fiktive TVSH. Nëse ato bëjnë punë publike, investojnë shumë pak. Në një farë mënyre shkojnë blejnë fatura fiktive./Opinion.al
