Shefja e kabinetit të Prokurorit të Përgjithshëm, Pranvera Pustina ka kaluar me sukses vetingun.
Komisioni i Pavarur i Kualifikimit konfirmoi në detyrë prokuroren Pustina pasi vlerësoi se ajo është e pastër në shtyllat e vlerësimit, atë të pasurisë, figurës dhe profesionalizmit.
Pranvera Pustina ka përfunduar studimet në Shkollën e Magjistraturës në vitin 2011 dhe fillimisht është emëruar prokurore në Prokurorinë e Krujës.
Në vitin 2015, Pustina u transferua në Prokurorinë e Krimeve të Rënda, ndërsa prej janarit 2020 ajo është komanduar në pozicionin e shefes së kabinetit të Prokurorit të Përgjithshëm, Olsian Çela. /Opinion.al
