Te Fundit

Me 25 doza heroinë në makinë, arrestohet 35-vjeçari në Gramsh


Bëhu pjesë e Grupit Zyrtar të Opinion.al
>> KËTU <<
               Publikuar në : 11:24 - 14/10/20 |
Opi Nion

Një 35-vjeçar është arrestuar nga policia pasi akuzohet për shpërndarje të lëndëve narkotike. Uniformat blu njoftojnë se është vënë në pranga shtetasi me iniciale E.P., banues në Gramsh.

Gjatë kontrollit të ushtruar, në mjetin me të cilin qarkullonte iu gjetën 25 doza me lëndë narkotike të  heroinë, 154.000 lekë të përfituara nga shitja e lëndës narkotike dhe dy aparate celular, të cilat u sekuestruan në cilësinë e provës materiale së bashku me mjetin.

Njoftimi i policisë

Goditet një tjetër rast i shpërndarjes së drogave të forta në doza të vogla.

Arrestohet në flagrancë 35-vjeçari që posedonte dhe shpërndante lëndën narkotike.

Sekuestrohen 25 doza me lëndë narkotike heroinë, dy aparate celular, një automjet dhe një shumë parash të përfituara nga shitja e lëndës narkotike.

Në vijim të punës për goditjen e veprimtarisë kriminale të shpërndarjes së drogave të forta në doza të vogla, specialistët për Hetimin e Narkotikëve dhe Trafiqeve të Paligjshme në DVP Elbasan, në bashkëpunim me shërbimet e Policisë të Komisariatit Gramsh, arrestuan në flagrancë shtetasin:

E.P., 35 vjeç, banues në Gramsh, pasi gjatë kontrollit të ushtruar nga shërbimet e Policisë në mjetin me të cilin qarkullonte iu gjetën 25 doza me lëndë narkotike të dyshuar heroinë, 154.000 lekë të dyshuara të përfituara nga shitja e lëndës narkotike dhe dy aparate celular, të cilat u sekuestruan në cilësinë e provës materiale së bashku me mjetin.

Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme procedural.

 

Pas