Presidenti rus, Vladimir Putin, i tha ministrisë së Mbrojtjes, dhe agjencive të tjera qeveritare që të analizojnë kërcënimin nga një test i ri raketash amerikane, dhe të përgatisin një përgjigje reciproke.
Putin tha se Rusia nuk mund të qëndrojë duarkryq, dhe se planet amerikane për vendosjen e raketave të reja në rajonin e Azisë dhe Paqësorit ndikojnë në interesat thelbësore të vendit, pasi janë afër kufijve të Rusisë.
“Siç e dini, ne kurrë nuk kemi dashur, nuk duam dhe nuk do të përfshihemi në një garë të kushtueshme, destruktive të armëve por nuk mund të rrimë duarkryq”, shtoi Putin.
Shtetet e Bashkuara thanë të hënën se kishin testuar një raketë balistike, që goditi shënjestrën e saj, pas më shumë se 500 kilometra fluturim. Kjo është prova e parë e tillë, që kur Shtetet e Bashkuara u tërhoqën nga një traktat i kontrollit të armëve me Rusinë.
Shtetet e Bashkuara u tërhoqën më 2 gusht nga Traktati i Forcave Bërthamore i vitit 1987 (INF) që ndaloi lëshimet në tokë të raketave balistike me një interval midis 500 dhe 5,500 kilometra./Opinion.al
