Kronikë

I dënuar në SHBA dhe Shqipëri, ekstradohet nga Amerika 32-vjeçari


               Publikuar në : 13:17 - 23/08/19 |
el ida

Një 32-vjeçar i dënuar nga SHBA-ja dhe Shqipëria është ekstraduar nga Amerika në Shqipëri.

32-vjeçari i lindur në Elbasan ishte i shpallur në kërkim ndërkombëtar, pasi Gjykata e Tiranës e kishte dënuar për veprën penale “Falsifikimi i vulave, stampave ose formularëve”. Ndërkaq mësohet se ai kishte kryer dënimin prej 5 vitesh në SHBA për veprën penale “Vjedhja me armë, kryer në bashkëpunim”.

Policia njofton se ekstradimi i tij u bë falë një bashkëpunimi të ngushtë mes Interpol Tirana dhe Shërbimit Diplomatik të Sigurisë në Ambasadën e Shteteve të Bashkuara të Amerikës në Tiranë.

Sipas policisë falë këtij niveli të lartë bashkëpunimi, shumë vrasës, vrasës të punonjësve të policisë, trafikantë droge, grabitës të armatosur, kontrabandistë njerëzish dhe shumë kriminelë të tjerë, janë ekstraduar nga SHBA-ja në Shqipëri ose nga Shqipëria në SHBA për t’u përballur me drejtësinë për krimet e kryera./Opinion.al

 

 

 

 

Pas