Bota

SHBA sanksionon katër kompani për eksportim të naftës iraniane


               Publikuar në : 12:44 - 24/01/20 |
xhu lia

Shtetet e Bashkuara kanë sanksionuar katër kompani energjitike në Iran, pasi se ato kanë ndihmuar në eksportet e naftës për forcat elitë të Gardës Revolucionare të Iranit.

Sanksionet e bëra publike më 23 janar vijnë tre javë pasi forcat amerikane kanë vrarë komandatin e forcave elite të kësaj Garde, Kasem Soleimani, përmes një sulmi në Bagdad.

“Shtetet e Bashkuara janë duke ndërmarrë hapa të rinj me presion maksimal, duke ia mohuar regjimit iranian të gjitha burimet përmes së cilave financon aktivitete destabilizuese”, -është shprehur përmes një deklarate Sekretari amerikan i Shtetit, Mike Pompeo.

Sekretari amerikan i Thesarit ka thënë se dy kompani të sanksionuara janë me bazë në Hong Kong, njëra në Shangai dhe një tjetër në Dubai.

Në deklaratë thuhet se të gjitha kompanitë kanë eksportuar naftë nga Kompania Kombëtare e Naftës në Iran, në vlerë të “qindra miliona dollarë”, për t’i ndihmuar forcave elite iraniane, të cilat Shtetet e Bashkuara i kanë shpallur si organizatë të huaj terroriste.

Pas