Bota

SHBA dhe aleatët: Të dëbohet Rusia nga G20


Bëhu pjesë e Grupit Zyrtar të Opinion.al
>> KËTU <<
               Publikuar në : 09:46 - 23/03/22 |
Opi Nion

SHBA dhe vendet e tjera perëndimore po shqyrtojnë mundësinë për të përjashtuar Rusinë nga G20.

Agjencia e lajmeve Reuters duke cituar burime të saj shkruan se Polonia të martën u kishte sugjeruar zyrtarëve amerikanë që të zëvendësonte Rusinë në grup dhe se ata morën një “përgjigje pozitive”.

G20 është një grupim i ekonomive më të mëdha në botë, i cili synon të koordinojë veprimet për çështjet që prekin ekonominë globale, duke përfshirë ndryshimet klimatike dhe zhvillimin.

Një shtytje e tillë do t’i shtonte sanksionet ekzistuese ekonomike kundër Rusisë nga Perëndimi. Por ka të ngjarë të vihet veto edhe nga vende të tjera kyçe të G20-s, përfshirë Kinën, Indinë dhe Arabinë Saudite, sugjerojnë analistët.

Si rezultat, disa parashikojnë se aleatët perëndimorë të G7 mund të bojkotojnë takimet e G20 këtë vit – gjë për të cilën Indonezia, kryesuesja aktuale, thuhet se është paralajmëruar. Ndërsa Xhakarta ka refuzuar të komentojë mbi këtë çështje.

 

 

 

Pas