Bota

SHBA, 400 milionë dollarë të tjera për të forcuar aftësitë ushtarake të Ukrainës



Bëhu pjesë e Grupit Zyrtar të Opinion.al
>> KËTU <<
               Publikuar në : 16:13 - 09/07/22 |
Opi Nion

Shtetet e Bashkuara kanë marrë vendim t’i dërgojnë një sasi të re ndihme Kievit, e cila ka për qëllim të ndihmojnë forcat ukrainase që të shkatërrojnë kapacitetet ushtarake të Rusisë çka do të dëmtonte aftësitë e saj për të vazhduar luftën në rajonin e Donbasit dhe më gjerë.

Zyrtarët amerikanë ofruan të premten detaje të një paketë të re prej 400 milionë dollarësh, që përfshin katër sisteme të tjera raketash të artilerisë së lartë (HIMARS) dhe municione artilerie me saktësi të lartë goditëse, të një lloji që nuk i ishin dhënë Kievit deri më tani.

Këto sisteme armësh kanë saktësi të lartë goditëse“, tha një zyrtar i lartë i Pentagonit, i cili informoi gazetarët në kushte anonimiteti.

Ne presim që ato të përdoren nga ukrainasit në mënyrë efektive, duke pasur parasysh suksesin e tyre të deritanishëm”, shtoi ai.

Sipas zyrtarit të Pentagonit ky sukses i forcave ukrainase ka ndihmuar në ngadalësimin e ndonjëherë pengimin e përpjekjeve ruse për të avancuar me operacionet e tyre, falë goditjes së qendrave ruse të komandës e kontrollit, si dhe atyre logjistike.

Por Uashingtoni shpreson që me paketën e fundit të ndihmës ushtarake, pjesë e asaj që cilësohet si një “mbështetje e qëndrueshme”, të bëhet më shumë.

Një element kryesor i asaj që ne po shohim tashmë është përparimi, i cili është jetik për ukrainasit që të jenë në gjendje të vazhdojnë luftën, dhe më e rëndësishmja, do të thosha, që rusët të dinë se ukrainasit do të jenë në gjendje që ta vazhdojnë atë (luftën)”, tha zyrtari.

Njoftimi për ndihmë shtesë nga Shtetet e Bashkuara vjen vetëm disa ditë pasi forcat ruse shpallën fitoren në provincën Luhansk, ndërsa forcat ukrainase u tërhoqën nga “fortesa”e tyre e fundit në qytetin e Lisiçaskut.

Pas