Rajoni

Serbia vijon lobimin kundër anëtarësimit të Kosovës në Interpol


               Publikuar në : 11:45 - 15/10/19 |
xhu lia

Ministri i Brendshëm i Serbisë, Nebojsha Stefanoviç ka biseduar me shefin e delegacionit kinez në Interpol, Daki Duan, lidhur me argumentet e Serbisë kundër pranimit të Kosovës në Organizatën Ndërkombëtare të Policisë, bëhet e ditur nga ministria serbe.

Ministri Stefanoviç aktualisht ndodhet në Kili dhe po merr pjesë në Asamblenë e Përgjithshme të Interpolit, nga 15 deri më 18 tetor.

Mëoshet se ai shprehur tek delegacionit kinez, se pranimi i Kosovës do të çojë në një ndarje të thellë të organizatës ndërkombëtare të policisë dhe rrezikon luftën e ardhshme kundër krimit në botë.

“Anëtarësimi i mundshëm i Kosovës, do të çojë në keqpërdorimin e Interpolit dhe se politika do të zëvendësojë punën e policisë”, -ka thënë Stafanoviç.

Shefi i delegacionit kinez konfirmoi qëndrimin e pandryshuar të Kinës në lidhje me kërkesën e Kosovës për pranimin në Interpol.

Për shkak të angazhimit të Serbisë kundër pranimit të Kosovës në Organizata Ndërkombëtare solli rezultatin që qeveria e Kosovës  që prej nëntorit të vitit 2018 të vendosë tarifa ndaj mallrave serbe.

Vendosja e tarfiave më pas shkaktoi ndërprerjen e dialogut për normalizimin e raporteve ndërmjet të dyja vendeve, që lehtësohej nga Bashkimi Evropian.

Ndërkohë ende mbetet e paqartë nëse Kosova do të tërhiqet apo do të vazhdojë të insistojë që votimi për anëtarësimin e saj në këtë organizatë të jetë në agjendën e Asamblesë së Përgjithshme të INTERPOL-it.

Më 18 shtator, zëvendësministri në largim i Punëve të Jashtme i Kosovës, Anton Berisha është shprehur se procesit drejt anëtarësimit të Kosovës në INTERPOL duhet bërë me kujdes, për t’u mos përsëritur situata si të vitit të kaluar, kur Kosova kishte dështuar të anëtarësohet në këtë organizatë.

Tentativat e Kosovës për anëtarësim në INTERPOL kanë nisur që në viti 2010. Atë kohë, Komiteti Ekzekutiv i kësaj organizate, nuk e kishte marrë parasysh kërkesën e parashtruar nga Prishtina zyrtare.

Më 2015 dhe 2016, Kosova kishte aplikuar, por nuk ishte futur në agjendën e Asamblesë së Përgjithshme. Më 2017, Kosova pati tërhequr vullnetarisht kërkesën, për shkak të mbështetjes së pamjaftueshme.

Më 20 nëntor të vitit 2018, Kosova nuk kishte arritur të anëtarësohet në INTERPOL, pasi nuk mori shumicën e nevojshme, prej dy të tretave të votave të vendeve pjesëmarrëse në Asamblenë e Përgjithshme të kësaj organizate, që u mbajt në Dubai.

 

Pas