Rajoni

Serbia merr vaksinën kineze,Vuçiç: Nuk e kemi problem t’i japim Shqipërisë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:52 - 19/01/21 |
Semiljana Azizi

Serbia ka aprovuar ditën e sotme përdorimin e vaksinës kineze kundër koronavirusit të “Sinovac”, e cila do të fillojë të aplikohet që sot. Presidenti, Aleksandër Vuçiç, gjatë një konferece për shyp është shpehur se nuk e ka problem të ndihmoj Shqipërinë dhe Maqedoninë e Veriut.

“Ishte një lëvizje miqësore dhe vllazërore drejt njerëzve të Maqedonisë së Veriut. As ne nuk e kemi problem ta ndihmojmë Shqipërinë. Si do të refuzojmë nëse dikush nga Republika Srpska ose Bosnja dhe Hercegovina e kërkon atë? Ne jemi të gatshëm të ndihmojmë shqiptarët edhe në Kosovë ”, tha ai.

Ai shtoi më tej se ka gati planin për vaksinimin e serbëve në Kosovë përmes një “mënyre hibride”. Sipas presidentit, ata do të imunizohen në veri të Kosovës, një pjesë në komunën e Rashkës, në Vranjë dhe Bujanoc.

Sa i përket problemeve që mund të haste plani i tij i vaksinimit, Vuçiç tha se Serbia do ta gjejë një mënyrë për të ndihmuar serbët në Kosovë. “Politika bën mrekullira”, nënvizoi ai duke shtuar se ndihma e Beogradit nuk rrezikon askënd.

Ndërkaq Vuçiç ka deklaruar se deri më tani nuk ka dal asnjë problem nga Bashkimi Europian me aprovimin e vaksinës kineze./Opinion.al

Pas