Kronikë

Sekuestrohet sasi e madhe kokaine në Tiranë, e fshehur në një magazinë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:40 - 30/12/21 |
Opi Nion

Një sasi e madhe kokainë është sekuestruar mbrëmjen e sotme brenda një magazine të një kompanie frutash në zonën e Vaqarrit në Tiranë. Sasia e lëndës narkotike mbi 100 kg është konstatuar pas një operacioni anti-drogë

Sasia kokaine ka qëndruar në portin e Durrësit në një kontenier me banane prej gati tre ditësh dhe ka qenë nën vëzhgimin e policisë përgjatë gjithë kësaj kohe.

Mbrëmjen e sotme kontejneri me sasinë e drogës mes bananeve, i nisur nga Ekuadori, u tërhoq për t’u transportuar drejt kryeqytetit në magazinën që ndodhet në zonën e Vaqarrit. Uniformat blu kanë ndjekur të gjithë itinerarin e drogës, ku nga porti i Durrësit ka shkuar në urën e Beshirit në Tiranë, ku dhe Policia ka ndërhyrë.

Mësohet se janë disa persona të shoqëruar nga policia, ndërsa hetimet janë ende duke vijuar. Autoritetet shqiptare falë bashkëpunimit me agjencitë e huaja ligjzbatuese arritën që të zbulonin trafikun e drogës./Opinion.al

 

 

Pas