Kronikë

Sekuestrohen 4.6 kg eksploziv,armë,municione e granata,në pranga 3 persona


Bëhu pjesë e Grupit Zyrtar të Opinion.al
>> KËTU <<
               Publikuar në : 15:50 - 01/06/21 |
Opi Nion

Tre persona janë arrestuar nga policia pasi ushtronin veprimtari kriminale në fushën e trafikimit të lëndëve eksplozive dhe të armëmbajtjes pa leje.

Policia bën me dije se në kuadër të operacionit të koduar “Binomi” janë vënë në pranga shtetasit Barim Flora, 42 vjeç, banues në Tiranë, i dënuar më parë për veprat penale “Armëmbajtja pa leje” dhe “Vjedhja”; Ardjan Gjoka, 33 vjeç dhe Jemin Flora, 33 vjeç, banues në Tiranë.

Pas një hetimi njëmujor u bë i mundur dokumentimi me prova ligjore i veprimtarisë kriminale të kryer nga këta shtetas në fushën e trafikimit të armëve, lëndëve eksplozive dhe municioneve, në qytetet e Tiranës dhe Durrësit.

Bazuar në këto prova, në  vendin e quajtur “Mbikalimi i Shkozetit”, gjatë kontrollit në automjetin   tip “Land-Rover Frilander”, me drejtues shtetasin Jemin Flora dhe pasagjerë shtetasit Barim Flora dhe Ardjan Gjoka, policia gjeti dhe sekuestroi në cilësinë e provave materiale: 1.2 kg eksploziv i paketuar i llojit C-4,  2.2 kg lëndë eksplozive tritol, 3 granata dore luftarake, 4 aparate telefoni celular.  Në cilësinë e provës materiale u sekuestrua edhe automjeti tip “Land-Rover Frilander”.

Po në funksion të procedimit penal të nisur një muaj më parë për goditjen e kësaj veprimtarie kriminale, shërbimet e Policisë kanë sekuestruar edhe një armë zjarri kallashnikov dhe 1.2 kg lëndë eksplozive tritol, 5 kapsolla detonatore dhe një sasi municioni luftarak.

Vazhdon puna për dokumentimin e plote ligjor të kësaj veprimtari kriminale dhe identifikimin e personave të tjerë të përfshirë në të./Opinion.al

Pas