Kryesore

Sekuestrimi i ndërtimeve pa leje, Berisha: Provokim për qytetarët, dhunim i parlamentit



Bëhu pjesë e Grupit Zyrtar të Opinion.al
>> KËTU <<
               Publikuar në : 13:46 - 21/09/22 |
Opi Nion

Kryetari i PD, Sali Beridha po zhvillon mbledhjen me grupin parlamentar. Gjatë fjalës së tij, Berisha është ndalur tek vendimi i qeverisë për sekuestrimin e ndërtimeve pa leje.

Berisha akuzoi qeverinë se mbron biznesmenët pranë saj që ndërtojnë kulla dhe dënon qytetarët. Sipas Berishës , vendimi i qeverisë është provokim ndaj qytetarëve dhe dhunimi i Parlamentit.

Pjesë nga fjala e Berishës

Nëse ndalemi në vendimin e qeverisë, të ashtuquajtur qeveri, për pallate dhe shtesat pa leje, ai është një akt i pashembullt, ku me ligj qeverie, merren në mënyrë flagrante, funksionet e parlamentit, me vendim qeverie pushohen çështje gjyqësore, me vendim qeverie, bllokohet sistemi i drejtësisë, me vendim qeverie, vendoset një standard i tmerrshëm në vend. Ligjet e vendit, kanë parashikuar se çdo ndërtim pa leje konfiskohet, dhe se autori i këtij ndërtimi, dënohet sipas llojit të ndërtimit, pesë deri në 8 vjet burg. Këto janë dispozitat e përcaktuara në kodin penal dhe të votuara nga kjo pseudo-mazhorancë. Bazuar në këto dispozita, për një kotec, për një gjysmë çatie, për një avlli, qoftë për një shtesë dhome, janë dënuar me burg 3 mijë e 400 qytetarë shqiptarë. Janë ndjekur penalisht mijëra e mijëra të tjerë. Kurse tani, kur vjen problemi te kullat e qeverisë, te pallatet e qeveritarëve dhe klientelës së tyre, për ta ligji nuk ekziston. Edi Rama bën vendimin e amnistisë së tyre.  Ky është një provokacion i ulët për çdo shqiptar. Ky është dhunim flagrant i parlamentit, i cili është i vetmi institucion që ka të drejtën e aministisë./ Opinion.al

Pas