Politikë

Berisha: Personat e shpallur në kërkim lëvizin lirisht në pikat tona kufitare



Bëhu pjesë e Grupit Zyrtar të Opinion.al
>> KËTU <<
               Publikuar në : 13:53 - 21/09/22 |
Opi Nion

Kryetari i Partisë Demokratike, Sali Berisha ka mbledhur ditën e sotme grupin parlamentar.

Që në nisje të fjalës së tij, Berisha foli për sulmet kibernetike të Iranit ndaj sistemit TIMS dhe të dhënat që janë publikuar ditët e fundit.

Sipas Berishës, në pikat tona kufitare lëvizin lirisht personat e shpallur në kërkim pasi sistemet nuk funksionojnë.

“Çdo e dhënë e fshehtë që ka ekzistuar në arkivën e vendit për banda dhe kriminelë sot është në treg. Kjo përbën një zhvillim tronditës. Por kur mendohesh dhe konstaton se banditët më të mëdhenj të këtij vendi, shefat e bandave të vendit janë në parlament, qeveri dhe institucione atëherë është e kotë të dramatizosh diçka që në një vend normal është me të vërtetë dramatike.

Sot pikat tona kufitare qarkullojnë lirshëm të kërkuar dhe të pakërkuar pasi sistemet nuk funksionojnë. Por përsëri sot ortakët e tyre hyjnë në parlament, qeveri dhe institucione që po të krahasosh se pasuritë e krijuara nga ata me akte malavite krahasuar me qeveritarët e tjerë me firma në dokumente zyrtare, ato janë thërrime në krahasim me këto të këtyre.

Ishte një sulm i një fuqie armike por këto kanë ndodhur rëndom nga vetë qeveria dhe bandat e saj. Ajo që po ndodh në Shqipëri është shpërbërja e plotë e shtetit ligjor. Shpërbërja totale. Në qoftë se ndalemi në vendimin e asaj që quhet qeveri për pallatet dhe shtesat pa leje ai është një akt i pashembullt kur me ligj qeverie merren në mënyrë flagrante funksionet e parlamentit dhe pushohen çështje gjyqësore. Bllokohet sistemi i drejtësisë”, tha Berisha./Opinion.al

 

 

Pas