Rajoni

Sekretari amerikan i Shtetit i kërkon Vuçiçit njohje reciproke me Kosovën


Bëhu pjesë e Grupit Zyrtar të Opinion.al
>> KËTU <<
               Publikuar në : 12:30 - 31/03/21 |
Opi Nion

Sekretari Amerikan i Shtetit, Anthony Blinken, i ka dërguar një letër Presidentit të Serbisë, Aleksandër Vuçiç, në të cilën i ka kërkuar ta njohë Kosovën.

Letra e cila është publikuar nga media serbe “Novosti” i është dërguar më 23 shkurt presidentit serb, Vuçiç në të cilën thuhet se Shtetet e Bashkuara të Amerikës kanë për qëllim një marrëveshje gjithëpërfshirëse mes Serbisë dhe Kosovës si dhe njohjen reciproke mes dy vendeve.

“SHBA-ja është e përkushtuar për marrëdhëniet tona afatgjate. Ne ndajmë vizionin e një Serbie demokratike, stabile, prosperuese dhe demokratike në hapin drejt anëtarësimit në BE. Qëllimi afatgjatë i SHBA-së ka qenë ta shoh Serbinë dhe Kosovën të arrijnë marrëveshje gjithëpërfshirëse e përqendruar në njohjen reciproke”, shkruan Blinken.

Gjithashtu në fund të letrës me stilolaps Blinken shkroi: “Unë i mbaj në mend plotësisht bisedat tona të mira dhe po pres me padurim rinovimin e tyre”.

Vuçiç nuk ka dhënë asnjë koment në lidhje me kërkesën për njohjen reciproke të Kosovës por është shprehur: “Unë e përgëzova atë për emërimin në një pozicion të rëndësishëm në Shtetet e Bashkuara dhe besoj se ai gjithashtu kujtoi bashkëpunimin tonë. Ai madje shkroi diçka me dorën e tij, kështu që ky është një lajm i rëndësishëm”./Opinion.al

Pas