-U tha në Opinion

Seferi: Përçarje në koalicionin shqiptar,vetëm 2 vende në parlamentin serb


Bëhu pjesë e Grupit Zyrtar të Opinion.al
>> KËTU <<
               Publikuar në : 23:59 - 22/06/20 |
Opi Nion

Gazetari Idro Seferi në një raportim nga Beogradi tha në emisionin “Opinion” se shqiptarët e Luginës së Preshevës kanë konfirmuar vetëm dy deputetë në parlamentin e Serbisë.  Seferi tha gjithashtu se ka patur një përçarje në koalicionin e shqiptarëve.

“Përfaqësuesit e Luginës deri tani ka vetëm 2 deputetë. U tha për 4 deputetë, por duhen 30 mijë vota për të patur 3 deputetë dhe kjo do të varet nga numri i tyre por dhe votat nga diaspora, Kosova dhe burgjet e Serbisë. Votat nga Kosova janë të paktën 80% për Vuçiç”.

Fevziu: Mund të arrijnë në 3 mandate shqiptarët?

Seferi: Patjetër nëse numërimet u japin një fuqi tjetër, por 4 do të jetë e vështirë. Në Bujanovc gjysma e shqiptarëve nuk kanë votuar për kolacionin e shqiptarëve. Uniteti aty nuk ka qenë sipas marrëveshjes me ndërmjetësimin e Tiranës për shkak se gjatë ditës së djeshme, kur kemi tentuar të ndjekim zgjedhjet shqiptarët nuk kishin një shtab përbashkët.

Fevziu: Çfarë roli ka luajtur Tirana?

Seferi: Ka luajtur një rol fillestar, por duhen ndërmjetësime nga ana e koordinimit  pasi partitë kanë patur qartazi një përçarje në kolacionin e shqiptarëve.

Fevziu: 3 deputetë në parlamentin e Serbisë kanë ndonjë rol?

Seferi: Ata mund të krijojnë një grup parlamentar dhe kjo do t’i ndihmonte shumë të kenë ndoshta ndikim në institucionet me kërkesat e tyre pasi grupet kanë më shumë qasje në institucione./Opinion.al

Pas