Sport

Schumacher transferohet në Paris për kurime “sekrete”


               Publikuar në : 12:13 - 10/09/19 |
el ida

Legjenda e Formula 1, Michael Schumachet ndodhet në Paris për kurim.

Schumacher ka mbërritur në kryeqytetin francez, i transportuar me një ambulancë speciale dhe nga një staf i specializuar mjekësh dhe ndodhet në repartin e kardiologjisë të spitalit prestigjioz George Pompidou.

Sipas burimeve, të cituara nga gazeta Le Parisien, është e sigurtë që gjermani 50-vjeçar po i nënshtrohet një kurimi ende të papërcaktuar dhe i cilësuar si “sekret”.

Kujtojmë se Schumacher, fitues i 7 kampionateve me Benetton dhe Ferrari, u rrëzua më 29 dhjetor të vitit 2013, teksa bënte ski, së bashku me të birin e tij Mick, në Meribel të alpeve franceze. Gjatë rënies goditi kokën në një gur, në krahun e djathtë teksa helmeta e tij ishte e hapur. Doktorët në Grenoble bënë maksimumin për të reduktuar hemorragjinë, por mpiksja e gjakut kishte kaluar thellë në tru.

Tashmë kanë kaluar 5 vite nga aksidenti i rëndë por ende nuk dihet asgjë mbi atë çfarë ndodh me shëndetin e tij. Ajo që dihet është se deri më tani Schumacer ndodhej në rezidencën e tij pranë liqenit të Gjenevës, aty ku ishte transferuar që nga shtatori i vitit 2014./Opinion.al

Pas