Gjykata e Sarandës ka liruar nga burgu ditën e sotme një nga autorët e plagosjes së avokatit Marjel Mejdi.
Bëhet fjalë për Aleks Rexhën, 58-vjeç, i akuzuar për “plagosje e rëndë me dashje” në bashkëpunim. Ai është paraqitur sot përpara togave të zeza për masën e sigurisë.
Prokurori i çështjes ka kërkuar masën e sigurisë ‘Arrest ne burg’ 45 ditë deri në administrimin e aktit mjeko-ligjor, ndërsa Gjyqtari i çështjes ka vendosur masën e sigurisë “Arrest në shtëpi”.
Ndërkohe avokati Marjel Mejdi, ndodhet ende në Spitalin e Janinës në Greqi, ku po kurohet për plagët e rënda që ka marrë./Opinion.al
