Kryesore

Qeveria dha para për mbetjet në Durrës, PD: Në shërbim të mafies së…


Bëhu pjesë e Grupit Zyrtar të Opinion.al
>> KËTU <<
               Publikuar në : 19:55 - 15/07/21 |
Opi Nion

Partia Demokratike ka reaguar pas vendimit të qeverisë, që do të mbështesë Bashkitë e Qarkut Durrës me fonde financiare për përballimin e emergjencës mjedisore të krijuar nga mbetjet.

Në një dalje për mediat para selisë blu, Ina Zhupa deklaroi se katastrofa mjedisore e Durrësit dhe e Kavajës ishte një strategji e Edi Ramës për të çuar mbetjet e këtyre zonave në landifllin e Sharrës duke e vendosur taksat e shqiptarëve në shërbim të mafies së inceneratorëve.

“Sikurse e kemi paralajmëruar me qëndrimet e përfaqësuesve të Partisë Demokratike më 10 korrik dhe 11 korrik,  plehrat u lanë me qëllim jashtë kontrollit në këto zona turistike, për të nxitur një krizë dhe pastaj për të ofruar një zgjedhje nga po ata që e prodhuan këtë krizë.

Prandaj edhe vendimi i sotëm i Këshillit të Ministrave që ofron mbështetje financiare për të çuar paratë te mafia e inceneratorëve, është kompletimi i një cikli të mirëfilltë kriminal”.

Deputetja e zgjedhur demokrate Ina Zhupa u shpreh se vënia në rrezik me vetëdije e jetës së qytetarëve është një nga metodat më antinjerëzore të qeverisë. Më tej ajo tha se sot PD kërkon që SPAK të veprojë me urgjencë, kundër këtij krimi që rrezikon shëndetin dhe taksat e shqiptarëve.

“Vënia me vetëdije në rrezik të shëndetit të qytetarëve të Durrësit dhe Kavajës, vetëm për të pasuruar klientët e Edi Ramës është një nga metodat më antinjerëzore të zbatuara nga kjo bandë plaçkitësish.

Partia Demokratike prej vitesh ka denoncuar këtë aferë kriminale, ne sot kërkojmë që SPAK të veprojë me urgjencë, kundër këtij krimi që rrezikon shëndetin e dhe taksat shqiptarëve”.

Qeveria ka nxjerrë sot një vendim me anë të së cilit njofton se do të mbështesë financiarisht bashkitë e qarkut Durrës për menaxhimin e mbetjeve.

Sipas vendimit të firmosur nga zv.kryeministri Erion Braçe, në pikën 1 thuhet që bashkitë e qarkut të Durrësit të marrin masa të menjëhershme për gjetjen e zgjidhjeve për menaxhimin/trajtimin e mbetjeve urbane në këtë qark, duke mbajtur në konsideratë legjislacionin në fuqi në fushën e mbetjeve.

Po ashtu theksohet se nëse paratë nuk janë të pamjaftueshme për t’u përballuar nga buxheti i bashkisë përkatëse të Qarkut të Durrësit, bashkia i drejtohet ministrisë përgjegjëse për financat, me qëllim mbulimin e diferencës së efekteve financiare të kërkuara. Pas dërgimit të kërkesës financiare, ministritë i propozojnë Këshillit të Ministrave miratimin e fondit për trajtimin e mbetjeve./Opinion.al

Pas