Rusia njoftoi ditën e sotme se 32 zyrtarë dhe gazetarë të Zelandës së Re janë ndaluar të hyjnë në territorin e saj.
Sipas mediave të huaja, ky vendim i Rusisë është një kundërpërgjigje ndaj masave të ngjashme të marra nga Wellington kundër Moskës për agresionin e saj në Ukrainë.
Ministria e Jashtme e Rusisë gjatë një deklarate, bëri me dije se midis atyre që u është ndaluar hyrja në territorin rus janë kryetari i bashkisë së Wellington, Andrew Foster, kryetari i Auckland, Philip Goff, komandanti i marinës së Zelandës së Re, komodori Garin Golding dhe gazetaret Kate Green dhe Josie Pagani.
Po ashtu, në deklaratë thuhet se vendimi u mor në përgjigje të sanksioneve të qeverisë së Zelandës së Re, të cilat sipas tyre prekin gjithnjë e më shumë qytetarët rusë.
Në prill, Rusia ndaloi kryeministren e Zelandës së Re, Jacinda Ardern, dhe shumë politikanë të tjerë të hynin në territorin e saj.
