Bota

Rusia dërgon “TOS-1” në Ukrainë, lëshon predha termobarike


Bëhu pjesë e Grupit Zyrtar të Opinion.al
>> KËTU <<
               Publikuar në : 15:28 - 26/02/22 |
Opi Nion

Rusia ka vendosur të përforcojë ushtrinë për sulmet në Ukrainë. CNN raporton se rusët po dërgojnë në Ukrainë sistemin flakëhedhës TOS-1, një armë e rrezikshme dhe shkatërrimtare për armikun.

“Ushtria ruse po dërgon flakëhedhësit TOS-1, të cilët lëshojnë predha termobarike. Këto armatime të rënda po shkojnë në Kharkiv, por ka edhe disa trupa ruse që po kthehen. Me sa duket rusët po bëjnë rotacion të forcave të tyre atje, për të vijuar operacionin ushtarak”, tha gazetari i CNN që raporton nga Ukraina..

Sistemi raketor TOS-1 është i prodhuar që në kohën e Bashkimit Sovjetik dhe është përdorur për herë të parë në luftën në Afganistan në fund të viteve 1980, ndërsa së fundmi është përdorur në Siri. Testimet e këtyre raketave u kryen së fundmi në Bjellorusi, gjatë stërvitjes së përbashkët të dy ushtrive.

Ky sistem është vendosur mbi shasi tanku dhe është i projektuar për të goditur fortifikimet e kundërshtarit. Në vitin 2015, OSBE raportoi se kjo armë është parë të përdoret nga rebelët në lindje të Ukrainës.

Ndërkohë, Ministria britanike e Mbrojtjes raporton se pjesa më e madhe e trupave ruse janë tashmë vetëm 30 kilometra larg qendrës së Kievit. Por ndërkohë që Rusia thotë se nuk ka asnjë viktimë nga lufta deri tani, britanikët thonë se shifra është shumë më e lartë nga sa kishin parashikuar autoritetet ruse.

Pas