Bota

Rusia afat Ukrainës për bisedime: Nëse s’vini, përgjegjës për gjakderdhjen


Bëhu pjesë e Grupit Zyrtar të Opinion.al
>> KËTU <<
               Publikuar në : 13:09 - 27/02/22 |
Opi Nion

Rusia u ka dhënë zyrtarëve ukrainas një afat kohor deri në orën 7 të mbrëmjes të së të dielës për t’u ulur në bisedime në qytetin bjellorus të Gomel-it.

Vladimir Medinsky, kreu i delegacionit rus dhe ndihmës i Presidentit Vladimir Putin, i tha agjencisë shtetërore të lajmeve RIA Novosti se do të qëndrojnë deri në kohën e caktuar dhe do të presin për një përgjigje.

“Sapo të marrim këtë konfirmim, ne do të nisemi menjëherë për të takuar homologët tanë për negociata,” tha Medinsky. “Ne jemi për paqe.”

Megjithatë, presidenti ukrainas Volodymyr Zelensky tha të dielën se do të ishte i gatshëm të zhvillonte bisedime me Rusinë, por hodhi poshtë propozimin e tyre për një takim që do të mbahej në Bjellorusi.

Bjellorusia është një aleat i Rusisë dhe ka luajtur një rol kyç në pushtimin rus të Ukrainës.

Zelensky iu drejtua drejtpërdrejt Bjellorusisë në një fjalim të dielën, duke thënë se “veprimet agresive” nga territori bjellorusi nënkuptonin se nuk ishte e mundur të mbaheshin bisedime në këtë vend. Ukraina tha se kishte kapur një raketë lundrimi të lëshuar në drejtim të Kievit nga territori bjellorus.

“Nëse bisedimet refuzohen, pala ukrainase do të mbajë të gjithë përgjegjësinë për gjakderdhjen,” tha Medinsky. “Por ne qëndrojmë këtu deri në orën e përcaktuar duke pritur një përgjigje nga pala ukrainase.”

Presidenti i Bjellorusisë, Aleksandër Lukashenko tha të dielën se ai ishte “duke pritur” që Ukraina të vinte në vendin e tij për negociata me Rusinë.

Pas