Aktualitet

“Ruaji vajzat nga Saliu, Likja”,Meta:Përpjekje për të zhvendosur vëmendjen


Bëhu pjesë e Grupit Zyrtar të Opinion.al
>> KËTU <<
               Publikuar në : 12:17 - 17/03/21 |
Opi Nion

Presidenti Ilir Meta ka patur një dalje mediatike ditën e sotme në kuadër të mbrojtjes dhe ruajtjes së trashgimnisë kulturore.

Gjatë fjalës së tij Presidenti Meta është pyetur në lidhje me deklaratën e Edi Ramës ditën e djeshme për të ruajtur gratë dhe vajzat nga Sali Berisha dhe Ilir Meta.

Presidenti është shprehur se ai vetë nuk ka shtyrë asnjë gazetare dhe ka qenë shumë i durueshëm me to, teksa e ka cilëruar këtë deklaratë të Ramës si një përpjekje për të zhvendosur vëmendjen dhe për të vënë sërish dorë mbi zgjedhjet.

Nuk është ankuar ndonjë gazetare për prekjen me dorë nga Ilir Meta. Pëkundrazi ju e dini sa i durueshëm dhe i respektueshëm kam qenë me të gjithë ju, ju e di sa i durueshëm kam qenë me të gjitha gazetaret. Ju e dini kush bën presione ndaj gazetarëve që bëjnë pyetje të cilat nuk kanë kaluar nga zyra e propagandës apo nga pronarët e mediave.

Kur rekomandime të tillë vijnë nga një person që dihet se si është sjellë me gratë dhe vajzat dihet që është shumë qesharake dhe është për të zhvendosur vëmendjen, që është ai i vënies dorë mbi zgjedhjet. Nuk ka sondazh të blerë dhe nuk ka plan djallëzor dhe monstruoz që deformon qytetarët shqiptarë”,– ka thënë Meta.

Presdienti Meta u pyet gjithashtu dhe për deklaratat e tij mbi një plan për mbrojtjen e votës së lirë. Meta tha se do njiheni në vijim me përmbajtjen, duke kërkuar që të gjithë të mbajnë duart larg nga votat.

“Se ç’përmban ky plan do të njiheni në ditët në vijim. Çdo shqiptar i ndershëm dhe patriot pavarësisht bindjeve partiake është 100% dakord me Presidentin e Republikës që nuk duhet të vihet më dorë mbi votën sepse prandaj jemi në këtë situatë kaq të rëndë, që udhëheqim në nivel botëror për shpopullimin e vendit, pikërisht se niveli i lirisë së zgjedhjeve është katandisur në këtë situatë që e dini ju dhe që e di gjithë bota. Është një kusht i pakapërcueshëm nga BE për çeljen e negociatave.

Të gjithë të mbajnë duart larg nga votat, të kontribuojnë për një fushatë civile dhe europiane, të gjithë të paraqesin alternativat e tyre. Është një gjë e mirë se përveç forcave politike keni mundësi të shpreheni dhe për kandidatin që preferoni duke dhënë një mesazh të qartë që drejtuesit e partive duhet të promovojnë njerëz me integritet që të respektojnë Kushtetutën dhe të jenë shembull i respektimit të ligjit”, deklaroi Meta. /Opinion.al

Pas