Dhjetë fëmijë janë vrarë nga rrufeja pasi u strehuan në një kasolle gjatë një stuhie.
Ngjarja e rëndë ka ndodhur në qytetin veri-perëndimor të Ugandës, Arua.
Fëmijët po luanin futboll kur një shi i fortë i detyroi të strehoheshin në një kasolle të mbuluar me kashtë, e cila u godit nga rrufeja.
Nëntë fëmijë, të moshës 13-15 vjeç, vdiqën në vend ndërsa një tjetër ndërroi jetë gjatë rrugës për në spital.
Tre të mbijetuar janë duke marrë trajtim në spitalin rajonal.
Rajoni i veri-perëndimit të Ugandës ka qenë duke përjetuar shira të fortë shoqëruar me bubullima dhe vetëtima.
Ky është aksidenti më i keq në llojin e tij në Ugandë që nga viti 2011, kur 18 fëmijë u vranë në një shkollë në rajonin perëndimor.
Atë vit, 28 njerëz vdiqën nga goditjet e rrufeve në një javë të vetme. /Opinion.al
