Bota

Rrit taksat për të pasurit,Biden nënshkruan ligj për klimën dhe kujdesin shëndetësor



Bëhu pjesë e Grupit Zyrtar të Opinion.al
>> KËTU <<
               Publikuar në : 14:04 - 17/08/22 |
Opi Nion

Presidenti i SHBA, Joe Biden ka nënshkruar një projekt-ligj prej 700 miliardë dollarësh që synon të luftojë ndryshimet klimatike dhe kostot e kujdesit shëndetësor duke rritur taksat kryesisht për të pasurit.

Presidenti Biden e përshëndeti projektligjin ndërsa e nënshkroi të martën. Paketa investon 375 miliardë dollarë për të luftuar ndryshimet klimatike, investimi federal më i rëndësishëm në histori në këtë çështje.

Një analizë nga shkencëtarët me Climate Action Tracker thotë se projektligji do të zvogëlojë ngrohjen globale në të ardhmen “jo shumë, por as në mënyrë të parëndësishme”.

Ndër të tjera, projektligji  u jep mundësinë familjarëve që punojnë të kursejnë mijëra dollarë duke u ofruar zbritje nga tatimet dhe kreditë për blerjen e pajisjeve të reja, përfshirë makina elektrike.

Po ashtu, ky ligj i lejon qeverisë të negociojë çmime më të ulëta për disa ilaçe të ofruara me recetë sipas programit të sigurimit shëndetësor për personat mbi 65 vjeç.

Kjo pritet të kursejë qindra miliarda dollarë gjatë dekadës së ardhshme, sipas vlerësimeve të Zyrës së Buxhetit të Kongresit jopartiak.

Të martën, Biden tha se projekt-ligji ishte një “moment historik”, ndërsa u miratua pa asnjë mbështetje nga republikanët e opozitës.

Udhëheqësi i Senatit republikan, Mitch McConnell tha se legjislacioni “do të thotë taksa më të larta, fatura më të larta të energjisë dhe kontrolle strikte të taksave”./Opinion.al

Pas