Sport

Cristiano Ronaldo: Së shpejti do flas. Nga 100 lajme për mua, 5 janë të vërteta!



Bëhu pjesë e Grupit Zyrtar të Opinion.al
>> KËTU <<
               Publikuar në : 15:24 - 17/08/22 |
Opi Nion

Sulmuesi i Manchester United, Cristiano Ronaldo, ka thënë se së shpejti do të zbulojë “të vërtetën” për të ardhmen e tij dhe klubin ku do të luajë.

Kjo deklaratë e tij vjen pas shumë lajmesh të publikuara gjatë kësaj vere në lidhje me transferimin e tij.

Edhe pse portugezi dëshiron të largohet nga Manchester United, menaxheri i tij Erik ten Hag tha se ai nuk është në shitje.

Por tani mendohet se Manchester United mund ta lërë 37-vjeçarin të largohet para mbylljes së afatit që është më 1 shtator.

“Ata do të mësojnë të vërtetën kur të jap një intervistë brenda këtyre dy javëve”, tha Ronaldo në Instagram. Ronaldo ka pëlqyer një postim në një faqe të hapur nga tifozët që i referohej një lajmi se trajneri i Atletico Madrid, Diego Simeone ishte i interesuar për nënshkrimin e tij.

Por në një përgjigje ndaj postimit, ish-sulmuesi i Real Madridit shtoi: “Mediat po thonë gënjeshtra. “Unë kam shënime dhe në muajt e fundit nga 100 lajmet e bëra, vetëm pesë ishin të vërteta.”.

Ronaldo ka një vit të mbetur nga kontrata që nënshkroi kur iu bashkua United nga Juventus një vit më parë.

Pavarësisht rikthimit të tij, United humbi kualifikimin në Champions League sezonin e kaluar pasi përfundoi në vendin e gjashtë në Premier League. Ata janë tani në fund të tabelës për herë të parë që nga viti 1992-1993 pasi humbën dy ndeshjet e tyre të para të sezonit.

Ish-bashkëlojtari i Ronaldos në United, Gary Neville, tha në rrjetet sociale: “Pse lojtari më i mirë i të gjitha kohërave (për mendimin tim) duhet të presë dy javë për t’u treguar tifozëve të Manchester United të vërtetën?

Ai shtoi se lojtari duhet të fliste tani se çfarë ka vendosur për të ardhmen. “Ngrihu dhe fol tani. Klubi është në krizë dhe ka nevojë për liderë”, shtoi Neville.

Ronaldo ishte golashënuesi më i mirë i United sezonin e kaluar me 24 gola në të gjitha garat, por humbi turneun e tyre parasezonal në Tajlandë dhe Australi.

Pasi u zëvendësua në pjesën e parë të miqësores së fundit të United kundër Rayo Vallecano, Ronaldo dhe disa lojtarë u larguan herët nga loja, gjë që Ten Hag tha se ishte “e papranueshme”./Opinion.al

 

Pas