Aktualitet

Rrëzohet Komisioni për investimet strategjike/ Balla-PD: Përpjekje për falsifikim



Bëhu pjesë e Grupit Zyrtar të Opinion.al
>> KËTU <<
               Publikuar në : 10:47 - 09/06/22 |
Opi Nion

Në seancën e sotme plenare mazhoranca hodhi poshtë kërkesën e opozitës për ngritjen e Komisionit për Investimet strategjike.

Kreu i Grupit Parlamentar të PS, Taulant Balla tha se nuk mund të shtohen firma apo të bëhen shënime në dokumente që X deputet është tërhequr.  Ai akuzoi opozitën për përpjekje për falsifikim.

“Mendoj që grupi parlamentar i PD ka më shumë nevojë për të mësuar rregulloren e Kuvendit. Në Konferencën e kryetarëve debati që u zhvillua për këtë çështje ishte i qartë.

E para aspekti i përmbushjes së formës dhe karakterit formal të kërkesës. Nuk ka ndodhur në 30 vite që të marrësh firmat nga një dokument tjetër dhe më të njëjtat firma të vish të sjellës një dokument të ri. Është hera e parë që ndodh, një përpjekje për falsifikim.

Duhet të kuptosh zotëri, firma hidhet vetëm njëherë. Nuk mund ta marrësh firmën e një firmëtari dhe ta transferosh në një dokument tjetër.

Ajo që është e evidentuar në diskutimin e Konferencës së Kryetareve është se 35 firma të administruara për një dokumentet të datës 24 maj i ishin shtuar edhe dy firma të reja dhe duke bërë shënime që deputeti X është tërhequr.

Si mund të ketë besim qytetari që ti do hetosh zbatimin e ligjit, kur ti shkel ligjin bazë. Si mund t’ju besojnë ju qytetarët kur ju e nisin me shkelje ligji.

Është detyra primare e kryetarit të Kuvendit që të shikojë nëse dokumenti plotëson kushtet opitmale. Kur ndryshon numri i protokollit të një dokumenti ka ndryshuar dokumenti.

Është ngritur Luli nga gjumi dhe ka ardhur për të plotësuar numrin. Ligji dhe rregullorja thotë se kur Konferenca e Kryetarëve thotë se kur kërkesa i plotëson kriteret atëherë debatohet. Për çfarë të debatojmë sot ne? Ai dokument nuk ekziston. Minimalisht është i falsifikuar. Sepse firma është hedhur për një dokument që ka skaduar.  Prandaj nuk keni pse bëni debat për një çështje që është një debat i humbur”, tha Balla.

 

Pas