Ndërsa refugjatët po largohen nga Ukraina, gati 20,000 qytetarë të huaj kanë aplikuar për të shkuar atje për të luftuar, sipas ministrit të jashtëm të Ukrainës Dmytro Kuleba.
Kjo vjen pasi qeveria ukrainase hapi një faqe interneti për aplikime dje.
Duke folur në një konferencë, Kuleba ka thënë se vullnetarë nga 52 vende deri më tani kanë aplikuar për t’u bashkuar me luftimet.
Ai shtoi se nuk do të specifikonte saktësisht se nga cilat vende kishin ardhur aplikimet.
Më herët sot kreu i forcave të armatosura të Mbretërisë së Bashkuar i tha BBC-së se britanikët nuk duhet të shkojnë në Ukrainë për të luftuar dhe në vend të kësaj duhet të ndihmojnë sa të munden nga vendi./Opinion.al
