Aktualitet

Rrëfimi i ndjerë i vëllait të Sokol Olldashit: Pa të ndihem si jetim


Bëhu pjesë e Grupit Zyrtar të Opinion.al
>> KËTU <<
               Publikuar në : 09:47 - 20/11/15 |
root

Ardian Olldashi, i cili prej vitesh jeton në Gjermani, këto ditë gjendet në Tiranë për dy¬vjetorin e vdekjes së vëllait, Sokol Olldashit. Nuk ka folur asnjëherë për mediat, por këtë herë ka bërë një përjashtim, për të ndarë në DITA disa kujtime dhe për të rrëfyer atë që ndjen dy vjet pas humbjes së rëndë.

“Kur e mendoj veten të plakur një ditë, përballë një filxhani kafeje, do të jem i dënuar të ndaj kujtimet me veten time. Vëllai është gjaku yt, shoqërues në jetë, pavarësisht çfarë ndodhesha do të doja t’i thoja një ditë: Koli, e mban mend kur ti…,kur ne…. Ja pra, që nuk do kem më kë të bisedojë në këtë dimension, ndaj në këtë pikë, ndihem si… jetim. Edhe vëllai të lënka të tillë…”

Ai është vëllai i madh; kanë katër vite diferencë. Prindërit e tyre janë ndarë kur ata ishin ende fëmijë. Kjo nuk i ka penguar të kenë marrëdhënie të veçantë jo vetëm me nënën, por edhe me babain, i cili u është gjendur pranë në çdo moment. Ardiani emigroi në fillim të viteve ’90. E ka ndërtuar jetën e tij jashtë vendit, është baba i dy fëmijëve, një djali dhe një vajze, kjo e fundit, shumë e lidhur me xhaxhain e saj, Sokolin, kur ishte gjallë.

“Jemi rritur me vuajtje, kjo për shkak të internimit që ka kaluar familja jonë. Por ndarja nga jeta e Sokolit, është momenti më i vështirë në jetën time, deri më tani. E pranoj, nuk ka qenë e lehtë për ta përballuar, por jam dhe duhet të jem i fortë, për fëmijët e mi dhe të Kolit, pavarësisht se unë nuk e zëvendësoj dot figurën e babait, por do të jem aty, sa herë atë të kenë nevojë për ndihmë apo për një këshillë” .

Kur e pyet për 20 nëntorin e dy viteve më parë, Ardian thotë: “Mos më pyesni se nuk e di se përse, ku shkoi, kë takoi dhe me kë foli atë ditë! Pavarësisht, se e kisha vazhdimisht në mend që duhet ta merrja në telefon atë mbrëmje, nuk e mora, dhe mos më pyesni pse, se nuk di të them… Mos më pyesni për koiçidencat e çuditshme që kishte ai aksident, se nuk e di… Por mendoj se ishte një aksident. E di që vetë Sokoli nuk ishte aspak komod në atë kohë për shumë qarqe, për shumë fraksione politike dhe ndoshta shumë do ta brohorisnin daljen e Sokolit nga jeta politike dhe ndoshta janë lutur që të ndodhte ajo gjë, por ajo që ndodhi atë mbrëmje nuk ma merr mendja se ka qenë një gjë e kurdisur.. E kam të vështirë ta besoj.”­ tregon Ardiani.

KOMENTO (1)

Shkruaj nje koment

  1. amen Sokol Oldashi gjaku im lexova theniet Ardianit vellait tate ne kete faqe.Une sot nderova kopertinen ku zakonishte kam familjen President Barak Obama meriton pervec te kam etiketuar kopertina eshte me foton tate ne Parlament,.I jap drejte thenieve vallait tate sepse une jam ne pozitat Kozetes qe pre 9 vitesh ku mbeti vetem nje djale vuan shume tkurur loton per humbjen vellait Forte Ardian kujtoi kur erdhe nga Gjermania pak minuta para hyre me banin Vangjelin rame siper arkivolit Kolit me dajen tende,,,,,,,,,,kjo eshte jeta,,,,,,,,,,,,,,,,,Zoti kur te mere jeten atij qe done te jep dhe forcen ta perballosh Amen engjull Koli me tim bire per politiken nuk kam gale fare ti je thesar brilanti djathtes,,,,,,,,,,vetem familja vuan tjeret genjesher,,,,,,,,,,,,,,,,,,,,,,,,flm ju dua

Pas