Pas tetë vjetësh martesë, Rejçëlli, një grua britanike, kishte vënë re ndryshime radikale në sjelljen e bashkëshortit të saj.
Ajo mendonte se ai kishte humbur interesin për seksin. “Gjithmonë vinte të flinte më vonë se unë dhe nxirrte justifikime nga më të ndryshmet”, tregon 41-vjeçarja për “The Independent”.
Rejçëll tregon se pas shumë grindjesh, bashkëshorti i saj i rrëfeu një natë se ai kishte varësi nga seksi dhe se kishte patur edhe lidhje të shkurtra intime me gra të tjera.
Ai gjithashtu i tregoi asaj se rrinte zgjuar natën për të parë filma pornongrafikë. “Unë fakt qesha dhe nuk e mora seriozisht, por më pas u binda. Jeta ime bashkëshortore u shkatërrua”, tregon ajo më tej.
Varësia nga seksi është shkaktar i shumë problemeve në çift. Shkrimtarja dhe psikologja Paula Hall tregon në librin e saj se “Varësia nga Seksi” se kjo lloj varësie i dëmton marrëdhënien në çift më shumë sesa varësia ndaj kumarit apo alkoolit.
Ajo beson dhe argumenton në librin e saj se varësia nga seksi sjell tradhtinë në çift dhe me gjithë këtë edhe vetë problemet më të mëdha psikologjike.
Nëse varësia ndaj alkoolit dhe kumarit mund të ndalet në një pikë, ajo ndaj seksit është mjaft e vështirë, deri në pamundësi për t’u frenuar//panorama online
