Aktualitet

Rrahën 57-vjeçarin se u lavdëroi partinë, gjykata jep vendimin për shokët


Bëhu pjesë e Grupit Zyrtar të Opinion.al
>> KËTU <<
               Publikuar në : 14:08 - 31/01/21 |
Doriana Çepunaj

Gjykata e Fierit ka dhënë masën e sigurisë për tre persona, të cilët pas një konflikti të ndodhur të premten në mbrëmje dhunuan 57-vjeçarin Pelivan Sinanrrapaj.

Fitim Zekaj 44 vjeç është lënë në detyrim paraqitje, Festim Alimerkaj 53 vjeç dhe Ferdinand Meraj 42 vjeç arrest shtëpie.

Mësohet se vendimi për Zekajn është marrë pasi ai ka çrregullime të shëndetit mendor dhe gjatë seancës është paraqitur edhe raporti mjekësor.

Sipas Abc news sherri ka nisur pasi 57-vjeçari kishte lavdëruar “Rilindjen” se i kishte futur gruan në punë. Pasi kanë dalë nga lokali në gjendje të dehur debati është përshkallëzuar në përplasje fizike.

Si pasojë e dëmtimeve të marra 57-vjeçari, Pelivan Sinanrrapaj, u dërgua fillimisht në spitalin e Ballshit por për shkak të gjendjes së rëndë shëndetësore u transportua drejt Tiranës./Opinion.al

Pas