Roja Bregdetare e SHBA po heton shkakun e shpërthimit nënujor të nëndetëses “Titan” që vrau të pestë personat në bord ndërsa po zhytej në rrënojat shekullore të Titanikut, thanë zyrtarët të dielën.
Njoftimi vjen një ditë pasi Bordi i Sigurisë së Transportit të Kanadasë tha se po kryente hetimet e vet për shpërthimin e “Titanit”, i cili ka ngritur pikëpyetje rreth natyrës së parregullullt të ekspeditave të tilla.
“Qëllimi im kryesor është të parandaloj një dukuri të ngjashme duke bërë rekomandimet e nevojshme për të rritur sigurinë e domenit detar në mbarë botën,” tha kapiteni Jason Neubauer, kryehetuesi i rojes bregdetare, në një konferencë shtypi në Boston.
Roja Bregdetare hapi atë që e quan një hetim të bordit detar të premten, tha Neubauer, dhe po punon me FBI-në për të rikuperuar prova, duke përfshirë një operacion në vendin e mbeturinave në shtratin e detit, rreth 2-1/2 milje (4 km) nën sipërfaqe.
Gjetjet do të ndahen me Organizatën Ndërkombëtare Detare dhe grupe të tjera “për të ndihmuar në përmirësimin e kornizës së sigurisë për operacionet zhytëse në mbarë botën”, tha Neubauer.
Ai tha se Roja Bregdetare është në kontakt me familjet e pesë personave të vrarë dhe se hetuesit “po marrin të gjitha masat paraprake në vendngjarje nëse do të hasin ndonjë mbetje njerëzore”./Opinion.al
