Aktualitet

Rishikimi i ligjit për Akademinë e Shkencave, rrëzohet dekreti i Metës


               Publikuar në : 13:59 - 11/09/19 |
el ida

Dekreti i Presidentit të Republikës, Ilir Meta, për rishikimin e ligjit mbi Akademinë e Shkencave është rrëzuar në mbledhjen e sotme nga Komisioni i Medias.

Dekreti u hodh poshtë me 12 vota kundër, ndërsa vota e vetme pro është dhënë nga kryetarja e Komisionit, Fatjona Dhimitri.

Presidenti Meta ktheu ligjin për Akademinë e Shkencave për rishqyrtim në Kuvend më datë 9 gusht, teksa argumentoi se projekti binte ndesh me parashikimet e Kushtetutës, cënonte autonominë e institucioneve të arsimit të lartë, kompetencat e Presidentit të Republikës dhe se nuk qendronte në harmoni me kuadrin ligjor ekzistues të vendit.

Kreu i shtetit vërente gjithashtu se Akademisë së Shkencave i jepej një status më i lartë në hierarkinë e kërkimit shkencor, madje, në argument konstatohet se me këto ndryshime Akademia e Shkencave kthehet në institucionin e vetëm përsa i përket hulumtimit të gjuhës shqipe. Meta argumenton se ky është një proces vendimmarrës madhor që duhet të përfshijë edhe katedrat përbërëse të fakulteteve të gjuhës, të shkencave sociale, të gazetarisë etj.

Një tjetër pikë që kërkohej të rishihej ishte mbivendosja e funksioneve të Aademisë së Shkencave me ligjin për arsimin e lartë, ku institucionet e arsimit humbasin autonominë. Në vijim, Meta tërheqte vëmendjen në ndryshimet për marrjen e statusit të anëtarit të jashtëm të Akademisë së Shkencave të Shqipërisë, ku theksoj se pranimi i kandidatëve prezumohet se kryhet individualisht dhe jo në grup.

Vërejtje janë paraqitur dhe lidhur me faktin se në Ligjin e ri të Akademisë së Shkencave shkelet Kushtetuta sa i përket kompetencave të Presidentit. Kjo pasi synohet vendosja e një afati 10-ditor, brenda të cilit presidenti duhet të kryejë emërimin e kryetarit, e paparashikuar në Kushtetutë./Opinion.al

Pas