Ditën e sotme kryeministri Edi Rama i shoqëruar nga kryebashkiaku i Tiranës Erjon Veliaj dhe ministri i Ekonomisë Arben Ahmetaj kanë inspektuar punimet për rindërtimin e shtëpive të goditura nga tërmeti i 26 nëntorit, në Baldushk.
Pas inspektimit, kryeministri është shprehur se punimet për rindërtimin e banesave të shkatërruara nga tërmeti tragjik i 26 nëntorit është duke ecur me ritme të shpejta.
Po ashtu, Rama theksoi se se qeveria do që të fusë në banesa qytetarët përpara Vitit të Ri.
Postimi i Edi Ramës në “Facebook”
RINDËRTOJMË ? BASHKË
?Baldushk, Tiranë – VAZHDON PAPUSHIM PUNA PËR RINDËRTIMIN E SHTËPIVE të familjeve të prekura nga fatkeqësia e 26 nëntorit.
Po ecim me ritme të larta për të futur në shtëpi sa më shumë familje për Vitin e Ri, ndërkohë që edhe kantieret e pallateve janë në proces, diku me infrastrukturën e diku me lidhjen e kontratave për fillimin e punës. Edhe pak durim, kush u godit më keq dhe po pret të rikthehet në shtëpi, do të ketë një shtëpi më të mirë, më të bukur, më të fortë, e ne jemi këtu për të bërë atë që themi?
