Kronikë

Rezultonte i zhdukur prej 6 ditësh, gjendet i pajetë 51-vjeçari shqiptar në Selanik



Bëhu pjesë e Grupit Zyrtar të Opinion.al
>> KËTU <<
               Publikuar në : 16:59 - 07/11/22 |
Opi Nion

Është gjetur i pajetë në Selanik 51-vjeçari Ylli Mera, i cili rezultonte i humbur që prej datës 1 nëntor të këtij viti.

Sipas mediave greke, trupi i pajetë i 51-vjeçarit u gjet ditën e dielë, në një zonë pyjore në Arethousa të Selanikut, ku kishte shkuar me një shtetas grek për të prerë dru.

Sipas informacioneve, 51-vjeçari ka mbetur i plagosur për vdekje teksa ishte duke prerë dru me sharrë elektrike. Ai mbeti i plagosur në kofshë dhe humbi jetën nga gjakderdhja si dhe nga mosdhënia e ndihmës.

Po ashtu, i plagosur mbeti dhe 59-vjeçari grek, i cili po punonte së bashku me shqiptarin. Mësohet se, greku ka telefonuar të birin për ndihmë dhe më pas e ka hedhur telefonin në rrugë për të mbuluar gjurmët. Ata janë larguar nga vendngjarja duke mos i dhënë ndihmë shqiptarit.

Sakaq, autoritetet greke kanë arrestuar babë e bir dhe po punojnë për zbulimin e plotë të ngjarjes./Opinion.al

Pas