Greqia është përfshirë nga moti i keq me stuhi dhe reshje të shumta shiu, tekas nga kjo situatë është shënuar një viktimë. Mediat greke bëjnë me dije se viktima është një zjarrfikës i gjendur në Apalos.
Mësohet se zjarrfikësi humbi jetën në krye të detyrës, teksa ishte duke shpëtuar disa nxënës të bllokuar nga uji në një shkollë fillore.
“Ndërsa ekipet e zjarrfikësve po shkonin në Apalos. Shoferi doli nga kamioni dhe uji i vrullshëm e mori përpara”, tha për protothema.gr zëvendës guvernatori rajonal , Dimitris Petrovic.
Ndërkaq, shiu vijon të jetë intensiv në të gjithë zonën e Evros duke shkaktuar kështu edhe përmbytje të mëdha në rrugë./Opinion.al
KOMENTO (0)
